ჩვენი გუნდი

თინათინ ბრეგვაძე თინათინ ბრეგვაძე
დირექტორის მოვალეობის შემსრულებელი
 
მარიამ ბალიაშვილი მარიამ ბალიაშვილი
ფინანსური მენეჯერი
მარიამ ბალიაშვილი დაიბადა 1958 წლის 16 ნოემბერს, დუშეთის რაიონის სოფელ ანანურში. 1975 წელს დაამთავრა ანანურის საშუალო სკოლა და მუსიკალური შვიდწლედი (ფორტეპიანო). 1980 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სახალხო მეურნეობის დაგეგმვის ფაკულტეტი  და დაიწყო მუშაობა საქართველოს მეცნიერებათა აკადემიის პრეზიდიუმის საფინანსო სამმართველოში მთავარი ეკონომისტის თანამდებობაზე. 1999 წელს დაინიშნა საქართველოს მეცნიერებათა აკადემიის ანდრია რაზმაძის სახელობის მათემატიკის ინსტიტუტის მთავარ ბუღალტრად.

2000 წელს გაიარა სერტიფიცირების პროგრამა  USAID-ის დაფინანსებით და გახდა საქართველოს პროფესიონალ ბუღალტერთა და აუდიტორთა ფედერაციის (დიდი ბრიტანეთის პროფესიონალ ბუღალტერთა და აუდიტორთა საერთაშორისო ფედერაციის - IFAC-ის  წევრი ორგანიზაცია) ნამდვილი წევრი. ამავე წელს საქართველოს პარლამენტთან არსებული აუდიტური საქმიანობის საბჭოს მიერ მიენიჭა აუდიტორის კვალიფიკაცია. 2001 წლიდან კითხულობს ლექციებს ფინანსურ აღრიცხვასა და აუდიტში ილიას სახელმწიფო უნივერსიტეტში, სახელმწიფო ტექნიკურ უნივერსიტეტში, ქართულ-ევროპულ უნივერსიტეტში (ქართულ და რუსულ სექტორზე). 2008-2016 წლებში მუშაობდა დიასპორის საკითხებში საქართველოს სახელმწიფო მინისტრის აპარატის ფინანსურ მენეჯერად. 2017 წლიდან დღემდე მუშაობს საქართველოს საგარეო საქმეთა სამინისტროს ლევან მიქელაძის სახელობის დიპლომატიურ სასწავლო და კვლევით ინსტიტუტში ფინანსურ მენეჯერად.

ჰყავს მეუღლე - ვაჟა ჭინჭარაული (არქიტექტორ-რესტავრატორი), ფშავ-ხევსურეთის დაცული ტერიტორიების სააგენტოს დირექტორი.



 
ხატია გოგებაშვილი ხატია გოგებაშვილი
მთავარი კონსულტანტი
ხატია გოგებაშვილი დაიბადა 1991 წელს, ქალაქ თბილისში. 2009 წელს დაამთავრა თბილისის 30-ე საჯარო სკოლა. 2009-2013 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში, ბიზნესის ადმინისტრირების ფაკულტეტზე.

2011-2013 წლებში მუშაობდა არასამთავრობო ორგანიზაციაში ,,ბავშვი, ოჯახი, საზოგადოება“ ინგლისური ენის პედაგოგის პოზიციაზე. ორგანიზაციის სხვადასხვა პროექტების ფარგლებში იყო, ასევე, თარჯიმანი. 2013 წლის მაისში გაიარა სტაჟირება საქართველოს ფინანსთა სამინისტროში. 2014 წლის მარტიდან მუშაობს საქართველოს საგარეო საქმეთა სამინისტროს ლევან მიქელაძის სახელობის დიპლომატიურ სასწავლო და კვლევით ინსტიტუტში ჯერ კონსულტანტის,  შემდეგ მთავარი კონსულტანტის პოზიციაზე.

 
მარიამ დარასელია მარიამ დარასელია
კონსულტანტი
დაბადების თარიღი: 22.07.1993

სამუშაო გამოცდილება

2016 - დღემდეკონსულტანტი, სსიპ საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო ცენტრი

2014 - 2016 - საცალო პოლისების ადმინისტრირების მენეჯერი, სადაზღვევო კომპანია ალდაგი

განათლება

2011 - 2012 - ივანე ჯავახიშვილის სახელობის თბილისის სახელმწიფო უნივერსიტეტი, საერთაშორისო ურთიერთობები

2012-2014 - საქართველოს საზოგადოებრივ საქმეთა ინსტიტუტი "ჯიპა", საერთაშორისო ურთიერთობები, ბაკალავრი

უცხო ენებიინგლისური, ფრანგული, რუსული





 
ნუცა შავლაძე ნუცა შავლაძე
პროექტების მენეჯერი
დაბადების თარიღი11 იანვარი, 1988 წელი

სამუშაო გამოცდილება
2013 - დღემდე - პროექტების მენეჯერი, საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო ცენტრი 
03.2013 - 08.2013 - გადაცემის რედაქტორი, საზოგადოებრივი მაუწყებელი     

2009 - 2013 - ვიცე-პრეზიდენტი, ევროპის პოლიტიკოსთა ახალგაზრდული კავშირი 
2008 - 2012 - საზოგადოებასთან ურთიერთობის დეპარტამენტის ხელმძღვანელი, პროექტების მენეჯერი, საქართველოს პარლამენტი
2007 - 2008 - პროქტების მენეჯერი, არასამთავრობო ორგანიზაცია "ქართული აზრი" 
2007 - 2008 - პედაგოგი, ინგლისური ენის სკოლა "ქალანი"
2006-2008 - სამეცნიერო დარგის ხელმძღვანელი, მდივანი, საქართველოს საპატრიარქოს ახალგაზრდობის სულიერი და ინტელექტუალური განვითარების ცენტრი
განათლება
2014 - დღემდე  ივანე ჯავახიშვილის სახელობის თბილისის სახელმწიფო უნივერსიტეტის სადოქტორო პროგრამა - მასობრივი კომუნიკაცია, 
დოქტორანტი

2010 - 2012   ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი,  საერთაშორისო პოლიტიკა და დიპლომატია, მაგისტრის ხარისხი

2005 - 2009   ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი, ძირითადი სპეციალობა - საერთაშორისო ურთიერთობები, მეორადი სპეციალობა - ჟურნალისტიკა, ბაკალავრის ხარისხი
უცხო ენებიქართული - მშობლიური, ინგლისური - ძალიან კარგი, რუსული - ძალიან კარგი,  გერმანული - დაწყებითი დონე

 
თამარ მანგოშვილი თამარ მანგოშვილი
სასწავლო პროგრამების სპეციალისტი
თამარ მანგოშვილი დაიბადა 1991 წლის 27 სექტემბერს, ქალაქ რუსთავში. 1997-2009 წლებში დაამთავრა ქალაქ რუსთავის N 10 საჯარო სკოლა. 2009-2013 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში ფსიქოლოგიის საბაკალავრო პროგრამაზე. 2013-2015 წლებში სწავლობდა ამავე უნივერსიტეტის შრომისა და ორგანიზაციის ფსიქოლოგიის სამაგისტრო პროგრამაზე.
2014-2015 წლებში მუშაობდა შპს. რუსთავის ფოლადში ადამიანური რესურსების მართვის დეპარტამენტში სპეციალისტის პოზიციაზე. 2015 წლის აგვისტოდან დეკემბრის ჩათვლით გაიარა სტაჟირების პროგრამა საგარეო საქმეთა სამინისტროს ადამიანური რესურსების მართვის დეპარტამენტში. 2015 წლის დეკემბრიდან დღემდე მუშაობს სსიპ საქართველოს საგარეო საქმეთა სამინისტრო ლევან მიქელაძის სახელობის დიპლომატიური სასწავლო და კვლევითი ინსტიტუტის სასწავლო პროგრამების სპეციალისტის პოზიციაზე. მის ფუნქცია მოვალეობებში შედის ინსტიტუტში მიმდინარე გრძელვადიანი სავალდებულო სასწავლო პროგრამების ორგანიზება, უცხო ენების კურსების ორგანიზება, ასევე ინსტიტუტის ადამიანური რესურსების მართვის საკითხებზე მუშაობა.

 
ივანე სალუქვაძე ივანე სალუქვაძე
სახელმწიფო შესყიდვების სპეციალისტი
 
ნიკოლოზ რთველიაშვილი ნიკოლოზ რთველიაშვილი
ელჩი, მკვლევარი
ნიკოლოზ რთველიაშვილი დაიბადა 1956 წლის 23 მარტს თბილისში. 1973 წელს დაამთავრა თბილისის N53 საშუალო სკოლა. 1978 წელს დაამთავრა თბილისის ივ. ჯავახიშვილის სახელობის სახელმწიფო უნივერსიტეტის გეოგრაფია-გეოლოგიის ფაკულტეტი, საზღვარგარეთის ეკონომიკური გეოგრაფიის სპეციალობით.
1979-1983 წწ. სწავლობდა მოსკოვის სახელმწიფო უნივერსიტეტის ასპირანტურაში, ეკონომიკური გეოგრაფიის სპეციალობით და 1985 წ. დაიცვა საკანდიდატო დისერტაცია აღნიშნული უნივერსიტეტის ეკონომიკური გეოგრაფიის კათედრაზე.
1983-1992 წწ. მუშაობდა უფროს მეცნიერ თანამშრომლად და ლექტორად თბილისის სახელმწიფო უნივერსიტეტის ეკონომიკური გეოგრაფიის კათედრაზე.
1992 წლის აგვისტოდან მუშაობს საქართველოს საგარეო საქმეთა სამინისტროში სხვადასხვა თანამდებობებზე. მუშაობდა საქართველოს მისიაში ( ვენა-ეუთო, გაერო). 1996-1997 წწ. იყო ფულბრაიტის მკვლევარი-სტიპენდიანტი ჯორჯ ვაშინგტონის უნივერსიტეტში. 1997–2008 წწ. მუშაობდა ავსტრიაში საქართველოს საელჩოში და ბრიუსელში ნატოს საქართველოს მისიაში ელჩის მოადგილედ, სწავლობდა ჟენევის უსაფრთხოების პოლიტიკის ცენტრში.
2008-2011 ნიკოლოზ რთველიაშვილი იყო საგარეო საქმეთა სამინისტროს უსაფრთხოების პოლიტიკისა და ევროატლანტიკური ინტეგრაციის დეპარტამენტის დირექტორი. 2011-2016 წწ. იგი იყო საგანგებო და სრულუფლებიანი ელჩი დანიის სამეფოში, ნორვეგიის სამეფოსა და ისლანდიის რესპუბლიკის დაფარვით.
ნიკოლოზ რთველიაშვილი 2017 წ. ივნისიდან 2018 წ. აპრილამდე იყო საგანგებო დავალებათა ელჩი საგარეო საქმეთა სამინისტროში, ხოლო 2018 წ. აპრილიდან იგი არის მკვლევარი საგარეო საქმეთა სამინისტროს ლევან მიქელაძის სახელობის დიპლომატიურ სასწავლო და კვლევით ინსტიტუტში.
ჰყავს მეუღლე და ერთი ქალიშვილი.

 
მიხეილ უკლება მიხეილ უკლება
ელჩი, მკვლევარი
მიხეილ უკლება დაიბადა 1953 წლის 15 აპრილს ქალაქ ბათუმში. 1971 წელს დაამთავრა ბათუმის N1 საშუალო სკოლა. 1971-1977 წლებში სწავლობდა თბილისის სახელმწიფო უნივერსიტეტის ბიოლოგიის ფაკულტეტზე. 1985 წელს ქალაქ მოსკოვში დაამთავრა საბჭოთა კავშირის საგარეო ვაჭრობის აკადემიის საერთაშორისო ეკონომიკური ურთიერთობების ფაკულტეტი.
 
1985-1989 წლებში მუშაობდა უფროს ეკონომისტად, ბაღდადში, საბჭოთა კავშირის სავაჭრო წარმომადგენლობაში. 1990 წლიდან მუშაობდა საქართველოს საგარეო საქმეთა სამინისტროში შემდგომ თანამდებობებზე:  საგარეო საქმეთა სამინისტროს პირველი მდივანი (1990-1991), საგარეო ეკონომიკურ ურთიერთობათა დეპარტამენტის დირექტორი (1991-1992), მინისტრის პირველი მოადგილე (1992-1998), საგანგებო დავალებათა ელჩი (2001-2004);  (2012-2013) და მინისტრის მოადგილე (2004-2005). მიხეილ უკლება იყო საქართველოს სრულუფლებიანი და საგანგებო ელჩი  ჩინეთის სახალხო რესპუბლიკაში (2005-2008), ბულგარეთსა (2008-2012) და უკრაინაში (2013-2017), ასევე, მუდმივი წარმომადგენელი სუამ-ში (2014-2017). 1998-2001 წლებში იგი იყო საქართველოს სახელმწიფო ქონების მართვის მინისტრი. 2018 წლის 1 ივნისიდან, მიხეილ უკლება არის  საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მკვლევარი.
 
ჰყავს მეუღლე და 4 შვილი.
 

 
კონსტანტინე ჟღენტი კონსტანტინე ჟღენტი
ელჩი, მკვლევარი
კონსტანტინე ჟღენტი დაიბადა 1952 წლის 8 სექტემბერს ქალაქ თბილისში. 1970 წელს დაამთავრა თბილისის N57-ე სასუალო სკოლა. 1970-1975 წლებში სწავლობდა თბილისის ივანე ჯავახიშვილის სახელობის სახელმწიფო უნივერსიტეტის აღმოსავლეთმცოდნეობის ფაკულტეტზე, რომელიც დაამთავრა არაბული ქვეყნების ისტორიის სპეციალობით.
1976-1990 წლებში მუშაობდა საქართველოს მეცნიერებათა აკადემიის სამეცნიერო ინფორმაციის ცენტრის საერთაშორისო ინფორმაციის განყოფილებაში, სადაც გაიარა გზა უმცროსი მეცნიერ მუშაკიდან განყოფილების ხელმძღვანელამდე. ამავე წლებში იყო საქართველოს რადიოსა და ტელევიზიის საერთაშორისო მიმომხილველი. 1980-1983 წლებში მოსკოვის აღმოსავლეთმცოდნეობის ინსტიტუტში მოამზადა საკანდიდატო დისერტაცია თემაზე „პალესტინა ინგლისის მანდატის წლებში“, რომელიც დაიცვა თბილისში 1983 წელს. 1987 წლიდან იყო მოსკოვის იმავე ინსტიტუტის დოქტორანტი.
1990 წლიდან კონსტანტინე ჟღენტი მუშაობდა საქართველოს საგარეო საქმეთა სამინისტროში ჯერ აღმოსავლეთის ქვეყნების სამმართველოს, ხოლო შემდეგ პოლიტიკური, ამერიკისა და ევროპის დეპარტამენტების დირექტორის თანამდებობებზე. 1993 წლის სექტემბერ-დეკემბერში იყო მიწვეული მკვლევარი აშშ-ის ჰარვარდის უნივერსიტეტის კენედის სახელობის სკოლაში.
კონსტანტინე ჟღენტი იყო საქართველოს საგანგებო და სრულუფლებიანი დესპანი იტალიაში (1997-2000), საქართველოს საგანგებო და სრულუფლებიანი ელჩი ავსტრიასა და უნგრეთში (2005-2006), საქართველოს საგანგებო და სრულუფლებიანი ელჩი სამხრეთ კავკასიის უსაფრთხოებისა და კონფლიქტების მოგვარების საკითხში (2000-2005), ელჩის მოვალეობის შემსრულებელი უნგრეთში (2006-2009) და საქართველოს საგანგებო და სრულუფლებიანი ელჩი უზბეკეთსა და ტაჯიკეთში (2014-2018).
2009-20012 წლებში იგი იყო შავი ზღვის საერთაშორისო უნივერსიტეტის პროფესორი და ლექტორი ილიასა და კავკასიის უნივერსიტეტებში. ამავე პერიოდში იყო რადიო-ტელევიზია „პალიტრაში“ პოლიტიკური „თოქ-შოუს“ „აქ და ახლა“ წამყვანი.
2018 წლის 1 ივნისიდან, კონსტანტინე ჟღენტი არის საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მკვლევარი.
ჰყავს მეუღლე და ერთი ვაჟი.

 
სოსო დანელია სოსო დანელია
მკვლევარი
სოსო დანელია დაიბადა 1956 წლის 23 ივლისს მარტვილში. 1979 წელს დაამთავრა საქართველოს პოლიტექნიკური ინსტიტუტის სამშენებლო ფაკულტეტი, 1991 წელს თბილისის მენეჯერთა სკოლა, 1997 წელს იტალიის საგარეო საქმეთა სამინისტროს დიპლომატიის ინსტიტუტი. საკვალიფიკაციო პრაქტიკა-სტაჟირება გაიარა, ჩეხეთში,  საფრანგეთსა და იტალიაში.
2003 წელს მიენიჭა ტექნიკურ მეცნიერებათა დოქტორის ხარისხი, 2001 წელს ვატიკანის ტიბერინას აკადემიის აკადემიკოსობა, დიპლომატიის სფეროში დამსახურებისათვის, 2004 წელს ფლორენციის დიდებულთა აკადემიის საპატიო აკადემიკოსობა, სამეცნიერო და ტექნიკურ სფეროში დამსახურებისათვის, 2008 წელს „კონსტანტინეს სახელობის წმინდა ანგელოზური საიმპერატორო, წმინდა გიორგის ორდენი“, ორდენის დიდოსტატის, პრინც კარლო უგო ბორბონეს მიერ.
 სტუდენტობის პერიოდში იყო საქართველოს ნაკრების წევრი, სპორტის ოსტატია კრივში. ამჟამად საქართველოს კიკბოქსინგის ეროვნული ფედერაციის პირველი ვიცე-პრეზიდენტია.
1979-1995 წლებში მუშაობდა თბილისის საავიაციო ქარხანაში, ინჟინერ-კონსტრუქტორად, მთავარ ინჟინრად, ქარხნის დირექტორის მოადგილედ მშენებლობის დარგში.
1991 წელს  აირჩიეს თბილისის საქალაქო საბჭოს დეპუტატად.
1996 წლიდან იტალიაში მუშაობდა საქართველოს სავაჭრო-ეკონომიკურ წარმომადგენლობაში წარომადგენლის მოადგილედ, ასევე, იტალიაში საქართველოს სავაჭრო-სამრეწველო პალატის წარმომადგენლად. 1997 წლიდან დიპლომატად მუშაობდა იტალიაში და ვატიკანში, საქართველოს საელჩოში და სართაშორისო ორგანიზაციებში FAO, WFP, IFAD. პირველ მდივნად, კონსულად, მრჩევლად, დესპანად, სამხედრო ატაშის და ელჩის მოვალეობის შემსრულებლად, საგარეო საქმეთა სამინისტროში კი საკონსულო დეპარტამენტის დირექტორის მოადგილედ და საგანგებო დავალებათა ელჩად.
2015 წელს აირჩიეს საქართველოს მე-8 მოწვევის  პარლამენტის წევრად.
2018 წლის 1 აპრილიდან საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მკვლევარია.
 

 
მამუკა ციხელაშვილი მამუკა ციხელაშვილი
ელჩი, მკვლევარი
მამუკა ციხელაშვილი დაიბადა 1971 წლის 27 მაისს.   1988 წელს დაამთავრა ქ. თბილისის 24-ე საშუალო სკოლა. 1988-1993 წლებში სწავლობდა  ივ. ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტზე. აგრეთვე  ფლობს ჩინეთის სახალხო რესპუბლიკის დიპლომატიური აკადემიისა (1998) და  ირანის ისლამური რესპუბლიკის დიპლომატიური სწავლების ცენტრის სერთიფიკატებს (1996).
1997-2006 წლებში მუშაობდა საქართველოს საგარეო საქმეთა სამინისტროს საერთაშორისო ეკონომიკური ურთიერთობების  დეპარტამენტში შემდეგ თანამდებობებზე: ორმხრივი ეკონომიკური ურთიერთობების სამმართველოს მესამე მდივანი (1997-1998), საერთაშორისო ეკონომიკურ და ფინანსურ ორგანიზაციებთან თანამშრომლობის სამმართველოს მეორე მდივანი (1998-1999), საერთაშორისო ეკონომიკური ანალიზისა და ინფორმაციის სამმართველოს პირველი მდივანი (1999-2000), რეგიონალური თანამშრომლობის სამმართველოს უფროსი (2000-2006). 2007-2012 წლებში იგი მუშაობდა საერთაშორისო ეკონომიკურ, კულტურულ და ჰუმანიტარულ ურთიერთობათა დეპარტამენტში ჯერ დირექტორის მოადგილის (2007-2009) და შემდგომში დირექტორის პოზიციაზე (2009-2012).
2003-2007 წლებში მამუკა ციხელაშვილი მუშაობდა სომხეთის რესპუბლიკაში საქართველოს საელჩოში, კონსულის თანამდებობაზე. 2012-2017 წლებში იგი იყო საქართველოს საგანგებო და სრულუფლებიანი ელჩი ნორვეგიის სამეფოში.
2016 წელს მიენიჭა საგანგებო და სრულუფლებიანი ელჩის უმაღლესი დიპლომატიური რანგი.
2018 წლის 1 ივნისიდან, მამუკა ციხელაშვილი არის საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მკვლევარი.
იგი  დაჯილდოვებულია ღირსების ორდენით.
მას ჰყავს მეუღლე და ორი შვილი.