სხვა სიახლეები

ელჩების მეუღლეების პროგრამა

20.07.17 ა. წ. 20 ივლისს, ,,ამბასადორიალი 2017“-ის ფარგლებში, საქართველოს საგარეო საქმეთა სამინისტროში, საზღვარგარეთ საქართველოს დიპლომატიური წარმომადგენლობების ხელმძღვანელთა მეუღლეებისათვის ჩატარდა რიგით მეხუთე სპეციალური კულტურულ-საგანმანათლებლო ხასიათის პროგრამა, რომლის მიზანია ელჩების მეუღლეების მნიშვნელოვანი როლის კიდევ მეტად წარმოჩენა და ადგილსამყოფელ ქვეყნებში საქართველოს პოპულარიზაციის ხელშეწყობა.
პროგრამა მოიცავდა ისეთ თემებს, როგორიცაა: საგარეო პოლიტიკის პრიორიტეტები, კულტურული დიპლომატია, ტურიზმის ინდუსტრიის მიმოხილვა, ქართული დამწერლობა და ხელნაწერები, საქართველოს ევროპული ისტორიის ფურცლები, ქართული ლიტერატურის საზღვარგარეთ პოპულარიზაციის პროგრამა, თანამედროვე  ქართული ბალეტი. შეხვედრის ფარგლებში, სამხრეთ აფრიკის რესპუბლიკაში საქართველოს ელჩის მეუღლემ, ნინო ლეჟავამ, როგორც სამხრეთ აფრიკაში დიპლომატების მეუღლეების ასოციაციის კოორდინატორმა, მონაწილეებს წარუდგინა პრეზენტაცია სამხრეთ აფრიკაში წლის განმავლობაში გაწეული საქმიანობის შესახებ.
პროგრამა დასრულდა საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმში - ხელოვნების სასახლეში ვიზიტით, რომლის ფარგლებშიც მუზეუმის  დირექტორმა, გიორგი კალანდიამ სტუმრებს მუზეუმის საგამოფენო დარბაზები და სიძველეთსაცავის უნიკალური კოლექციები, მათ შორის ექსპოზიცია ,,ქართული კოსტუმის მრავალსახეობა“ დაათვალიერებინა. 
უკან დაბრუნება  
ლექცია თემაზე ,,XXI საუკუნის დიპლომატია: საუკეთესო პრაქტიკა და მიმდინარე ტენდენციები“ ლექცია თემაზე ,,XXI საუკუნის დიპლომატია: საუკეთესო პრაქტიკა და მიმდინარე ტენდენციები“
15 მაისს, საქართველოს საგარეო საქმეთა სამინისტროს ლევან მიქელაძის სახელობის დიპლომატიურ სასწავლო და კვლევით ინსტიტუტში, დერილ კოუპლენდმა (კანადის გლობალურ საქმეთა ინსტიტუტის უფროსი მეცნიერ-თანამშრომელი, ყოფილი დიპლომატი, კონსულტანტი, ანალიტიკოსი) წაიკითხა ლექცია თემაზე ,,XXI საუკუნის დიპლომატია: საუკეთესო პრაქტიკა და მიმდინარე ტენდენციები“.
ღია კარის დღე საქართველოს საგარეო საქმეთა სამინისტროში ღია კარის დღე საქართველოს საგარეო საქმეთა სამინისტროში
8 მაისს, საქართველოს დამოუკიდებლობის გამოცხადების 100 წლის იუბილესთან დაკავშირებით დაგეგმილი ღონისძიებების ფარგლებში, საქართველოს საგარეო საქმეთა სამინისტროში, სამინისტროსა და ლევან მიქელაძის სახელობის დიპლომატიური სასწავლო და კვლევითი ინსტიტუტის ორგანიზებით, თბილისის სკოლის მოსწავლეებისათვის „პროფესია დიპლომატის“ შესახებ რიგით მეორე ღია კარის დღე გაიმართა.
ლექცია - ,,ჯანდაცვის სისტემა საქართველოში“ ლექცია - ,,ჯანდაცვის სისტემა საქართველოში“
4 მაისს, ლევან მიქელაძის სახელობის დიპლომატიურ სასწავლო და კვლევით ინსტიტუტში, პროგრამის ,,საქართველოს შესახებ“ ფარგლებში, ქეთევან გოგინაშვილმა, საქართველოს შრომის, ჯანმრთელობისა და სოციალური დაცვის სამინისტროს ჯანმრთელობის დაცვის დეპარტამენტის პოლიტიკის სამმართველოს უფროსმა, წაიკითხვა ლექცია თემაზე ,,ჯანდაცვის სისტემა საქართველოში“. ლექციაში მონაწილეობა მიიღეს საქართველოში აკრედირტებულმა უცხოელმა დიპლომატებმა და ქალთა საერთაშორისო ასოციაციის წევრებმა.
არქივი