სხვა სიახლეები

სემინარი - ,,ბირთვული გაუვრცელებლობა და უსაფრთხოება“

05.10.17 5 ოქტომბერს, საქართველოს საგარეო საქმეთა სამინისტროს ლევან მიქელაძის სახელობის დიპლომატიურ სასწავლო ცენტრში, თავდაცვისა და უსაფრთხოების საკითხებში სამოქალაქო საბჭოსთან თანამშრომლობის ფარგლებში, ჩატარდა სემინარი თემაზე ,,ბირთვული გაუვრცელებლობა და უსაფრთხოება“. ლექციები წაიკითხეს შემდეგი ორგანიზაციებიდან მოწვეულმა ექსპერტებმა: სამეფო კოლეჯი ლონდონი (King’s College London), სტოკჰოლმის უნივერსიტეტი, ჯეიმს მარტინის სახელობის მასობრივი განადგურების იარაღის გაუვრცელებლობის კვლევითი ცენტრი (James Martin Center for Nonproliferation Studies), მიდლბურის საერთაშორისო კვლევების ინსტიტუტი (Middlebury Institute of International Studies). პროგრამა მოიცავდა ისეთ საკითხებს, როგორიცაა ცვლილებები ბირთვული უსაფრთხოების ნორმებში, ჩრდილოეთ კორეა, ყოველმხრივი ბირთვული გამოცდის აკრძალვის ხელშეკრულება, ცვლილებები შეიარაღების კონტროლში, უსაფრთხოება და რადიოაქტიური წყაროები.
სემინარის დასკვნით სესიაზე სამოქალაქო საბჭომ თავდაცვის და უსაფრთხოების საკითხებში მონაწილეებს გააცნო წიგნი ,,საქართველოს ბირთვული ოდისეა: ბირთვული გზა საბჭოთა ატომური მემკვიდრეობიდან გლობალური გაუვრცელებლობის რეჟიმამდე”, რომელიც შვედეთის მთავრობის მხარდაჭერით გამოიცა 2013 წელს.  სესიაზე მიმოხილულ იქნა საქართველოს ადგილი და  როლი საერთაშორისო გაუვრცელებლობის რეჟიმში, საბჭოთა პერიოდის საქართველოს სამეცნიერო პოტენციალი ატომური ფიზიკის სფეროში,  საბჭოთა ბირთვული სამხედრო ინფრასტრუქტურა საქართველოში,  ასევე 90-იანი წლებში განვითარებული მოვლენები, საქართველოს ინტეგრირება საერთაშორისო ბირთვული გაუვრცელებლობის რეჟიმში დამოუკიდებლობის მოპოვების შემდეგ.
უკან დაბრუნება  
შეხვედრა გელა ჩარკვიანთან შეხვედრა გელა ჩარკვიანთან
22 ივნისს, ნატოსა და ევროკავშირის შესახებ საინფორმაციო ცენტრში, საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის ორგანიზებით, აღნიშნულ ცენტრთან თანამშრომლობით, გაიმართა შეხვედრა ქართველ დიპლომატთან, მწერალთან, პედაგოგთან და ტელეწამყვანთან, გელა ჩარკვიანთან.
სალექციო კურსი თემაზე ,,დიპლომატიის ისტორია თანამედროვე ქართულ სახელმწიფოში“ სალექციო კურსი თემაზე ,,დიპლომატიის ისტორია თანამედროვე ქართულ სახელმწიფოში“
საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტი განსაკუთრებულ ყურადღებას უთმობს დიპლომატის პროფესიის შესახებ ახალგაზრდებისთვის ინფორმაციის მიწოდებას და აღნიშნულ პროფესიასთან მათ დაახლოებას, დიპლომატიასთან დაკავშირებულ თემებზე ლექციების ორგანიზების გზით.
ლექციების ციკლი - ,,შეხვედრა ელჩთან“ ლექციების ციკლი - ,,შეხვედრა ელჩთან“
1 ივნისს, საქართველოს საგარეო საქმეთა სამინისტროს ლევან მიქელაძის სახელობის დიპლომატიურ სასწავლო და კვლევით ინსტიტუტში, დაიწყო ლექციების ციკლი - ,,შეხვედრა ელჩთან“, რომლის ფარგლებშიც საქართველოს ყოფილი ელჩი ჩინეთში, ბულგარეთსა და უკრაინაში და მუდმივი წარმომადგენელი სუამში, მიხეილ უკლება და საქართველოს ყოფილი ელჩი დანიის სამეფოსა და ისლანდიის რესპუბლიკაში, ნიკოლოზ რთველიაშვილი შეხვდნენ საქართველოს საზოგადოებრივ საქმეთა ინსტიტუტის სტუდენტებს და მათ საქართველოს უახლეს ისტორიასა და ელჩის პრაქტიკულ
არქივი